УТРКнын Башкы директору Кайрат Иманалиев Евразия элдер ассамблеясынын төрагасы Андрей Бельянинов жана Евразия телерадио академиясынын президенти Валерий Рузин менен жолугушту.
Жолугушууда күн тартибиндеги актуалдуу маселелер, кызматташтыкты арттыруу боюнча пикир алмашуу болду. Ошондой эле сыйлуу коноктор Кыргыз телерадио берүү корпорациясынын 90 жылдык юбилейи менен куттуктап, жамааттын ишине ийгилик каалады.
Ал эми УТРКнын Башкы директору Кайрат Иманалиев конокторду УТРКнын 90 жылдык мааракесине арналган атайын медаль менен сыйлады.
Мындан сырткары ассамблеянын төрагасы УТРКнын "Евразийское время" телеберүүсүнө маек куруп, аткарылып жаткан иштер жана алдыдагы элдердин достугун арттыруу үчүн көрүлүп жаткан аракеттер тууралуу маалымат берди.
Google Play
App Store