Кыргызстандын теннис боюнча 14 жашка чейинки өспүрүмдөр курама командасынын төрт өкүлү Бахрейнге барды. Алар Азия чемпионатынын тандоо этабына катышарын өлкөнүн Теннис федерациясы маалымдады.
Билдирүүгө ылайык, мелдеш бүгүн, 9-январда, башталып, 19-январга чейин уланат. "Тандоо оюндарынын жыйынтыгы жана эл аралык рейтингдин натыйжасында биздин өлкөнүн намысын талашуу төрт жаш теннисчиге буюрду.
Алар: Ева Гавшина, Камила Арипова, Давид Могилевский жана Султан Сатыкеев. Оюнчулардын машыктыруучусу Фархад Урумбаев", — дешти федерациядан.
Google Play
App Store