Ташкентте футзал боюнча кыз-келиндердин улуттук курама командалары арасында Борбор Азия футбол ассоциациясынын экинчи чемпионаты өтөт. Мелдеш 2023-жылдын 25-31-январь аралыгында болот. Турнирге Иран, Тажикстан, Өзбекстан жана Кыргызстандын курама командалары катышат.
Регламентке ылайык, мелдеш айланма системасы боюнча бир айлампада өтүп, анда ар бир команда бири-бири менен ойноп чыгышат. Эң көп упай топтогон команда жеңүүчү болуп табылат.
Футзал боюнча аялдар командалары арасындагы Борбор Азия футбол ассоциациясынын биринчи чемпионаты 2021-жылы Дүйшөмбү шаарында өтүп, анда Ирандын спортчулары 1-орунду ээлешкен.
Google Play
App Store