Самат Сүймалиев «Алга» футбол клубунун башкы машыктыруучусу болуп дайындалды. Бул тууралуу Кыргыз кесипкөй футбол лигасынын басма сөз кызматы билдирди.
Ошондой эле, клубдун машыктыруучулар штабында дагы өзгөрүүлөр болду. Руслан Жаныбеков дарбазачылардын машыктыруучусу кызматына келсе, Бакай Зайырбеков анын жардамчысы болду.
Сүймалиевдин келишими бир сезонго түзүлдү. Жакшы жыйынтыктар болсо, кызматташуу мөөнөтүн дагы бир жылга узартуу мүмкүнчүлүгү бар.
Былтыркы жылы «Алга» командасын Валерий Березовский машыктырган. Анын жетекчилиги астында команда 3-орунду ээлеп, коло медаль тагынышкан.
Буга чейин Сүймалиев Кыргызстан жаштар курамасын машыктырып жүргөн (U-17). 2015-жылы 16 жашка чейинкилер арасында Кыргызстан менен Азия чемпионатына жолдомо алган.
Google Play
App Store