Тажикстандын Кыргызстанга куралдуу кол салуусунан жабыркаган Баткен жана Ош облустарындагы насыя алгандардын карызы кечилди. Бул туурасында Улуттук банктан билдиришти.
Маалыматта айтылгандай, 2022-жылдын 30-декабрына карата абал боюнча финансы-кредиттик уюмдарга 514 карыз алуучу кайрылган, 31 млн 480 миң сом суммасында 366 насыя жоюлган, 63 млн 683 миң сом суммасында 224 кредит реструктуризацияланган.
Эске салсак, былтыр 14-17-сентябрда Тажикстан Кыргызстандын аймагына куралдуу кол салган. Андан Саламаттык сактоо министрлигинин акыркы маалыматтары боюнча, 63 адам курман болуп, 198 киши жабыркаган. Ошондой эле турак жайлар, социалдык объектилер талкаланган.
Google Play
App Store