Кыргызстандын кум үстүндөгү футбол боюнча курама командасынын 2023-жылы өтүүчү Азия чемпионатындагы атаандаштары ушул жума белгилүү болот. Бул тууралуу Кыргыз футбол бирикмесинен билдиришти.
Кыргызстандын курамасы төртүнчү себетке жайгашты. Ал эми атаандаштарын аныктоо үчүн чүчүкулак тартуу аземи 19-январда Куала-Лумпурда өтөт.
Себеттердин курамы:
№1: Таиланд, Япония, БАЭ, Оман
№2: Палестина, Ливан, Иран, Бахрейн
№3: Малайзия, Кытай, Кувейт, Афганистан
№4: Кыргызстан, Индонезия, Сауд Аравия, Өзбекстан
Эске салсак, 16 курама команда катышкан Азия кубогу 2023-жылдын 16-мартынан 26-мартына чейин Таиландда өтөт.
Буга чейинки оюн 2019-жылдын март айында ошол эле Таиландда болуп, анда Япония финалда БАЭ командасын утуп, кубокту жеңип алган.
Google Play
App Store