Монополияга каршы жөнгө салуу мамлекеттик агенттигинин башкы адиси пара алып жаткан жеринен кармалды. Бул туурасында УКМК билдирди.
Маалыматта айтылгандай, мекеменин Жалал-Абад облусу боюнча башкы башкармалыгы тарабынан Опузалап пара талап кылуу беренеси боюнча козголгон кылмыш иши боюнча ыкчам-издөө иш-чараларынын натыйжасында, Экономика жана коммерция министрлигине караштуу Монополияга каршы жөнгө салуу мамлекеттик агенттигинин Жалал-Абад облустук башкармалыгынын башкы адиси акча каражатын алып жаткан жеринен кармалды.
Кармалган адам Президенттин Администрациясына караштуу «Жалал-Абад мамлекеттик резиденциясы» мамлекеттик мекемесинен айрым кызматтарга макулдашуу жол-жобосунан өтүү үчүн акча талап кылгандыгы аныкталган. Тергөө жүрүп жатат.
Google Play
App Store