Кыргызстандык балбан Нурзат Нуртаева Орусиядагы эл аралык турнирде коло байгени жеңди.
Иван Ярыгиндин кубогу Красноярск шаарында 26-29-январь аралыгында өттү. Кыргызстандын атынан 13 спортчу катышты.
68 кг салмак категориясында Нурзат Нуртаева 3-орунду ээледи.
1/8 финалда өзбекстандык Динора Рустамованы тушеге басып жеңип алды. 1/4 финалдык бөлүмдө Фируза Эсенбаеваны да тушеге басып, жарым финалда Ксения Бураковага 0:6 эсебинде утулуп калды. Бирок Коло байге үчүн болгон кыл чайнашкан күрөштө Нурзат Нуртаева атаандашы Гулнур Таштанбекованы 9:7 эсебинде тизе бүктүрүп, 3-орунду камсыздады.
Google Play
App Store