Жалал-Абад облусунун Аксы районунда акушер-дарыгер пара алып жаткан жеринен кармалды.
Маалыматка ылайык, УКМКнын Жалал-Абад облусу боюнча башкы башкармалыгына жергиликтүү жаран кайрылып, Аксы райондук жалпы дарыгердик практика борборунун төрөт бөлүмүнүн 39 жаштагы акушер-гинекологу опузалап акча талап кылып жаткандыгына байланыштуу мыйзам чегинде чара көрүүнү суранган.
Ыкчам тергөө иш аракеттеринин негизинде 2-февралда дарыгер өзүнүн иш бөлмөсүндө талап кылган акчаны алып жаткан учурунда кармалды.
Кылмыштардын бирдиктүү реестрине киргизилип, тиешелүү тергөө иштери жүрүп жатат.
Google Play
App Store