Президент Алмазбек Атамбаев Эсептөө палатасынын 20 жылдыгы менен куттуктады. Анда мамлекет башчысы Эсептөө палатасынын түзүлүшү демократиялык өлкөнүн эң негизги принциптеринин бири болгон - бийликтин коом алдында милдеттүү отчеттуулугунун, эл менен тикелей мамиле куруунун далилдүү көрүнүшү болуп калды деп билдирген.

“20 жыл ичинде Эсептөө палатасы чакан көзөмөл-текшерүүчү түзүмдөн, демократиялык укуктук мамлекеттин эң маанилүү институтуна, көз карандысыз көзөмөлдүн күчтүү жана натыйжалуу түзүмүнө айланды. Палатанын ишинин жыйынтыгы - бул Сиздердин кесипкөй жамааттын күнүмдүк эмгегинин жемиши болуп саналат” деп айтылат мамлекет башчысынын куттуктоосунда.

Ошондой эле Алмазбек Атамбаев өлкөнүн Эсептөө палатасынын төрагасы Улукбек Мариповду кабыл алды. Мамлекет башчысы 2015-жылда республикалык бюджеттин аткарылышы боюнча аудитинин жыйынтыктары, «2017-жылга республикалык бюджет жана 2018-2019-жылдарга болжолдор жөнүндө» мыйзам долбоору боюнча Эсептөө палатасынын корутундусун укту. Улукбек Марипов 2016-2020-жылдарга Эсеп палатасынын өнүгүшүнүн стратегиялык пландарынын аткарылышы жана мамлекеттик финансыларды башкаруудагы коррупциянын алдын-алуу чаралаы тууралуу айтты.