Хоккей боюнча Кыргызстан улуттук курама командасы үчүнчү дивизиондун (В тайпасы) командалары арасындагы дүйнө чемпионатын жеңди.
Турнир 27-февралдан 5-мартка чейин Босния жана Герцеговинада өтүп, бир айлампада өз ара ойногон 6 команда катышкан.
Ар бир команда 5тен оюн өткөрдү. Кыргызстан курама командасы бардык беттештерде жалпы 76:5 эсебинде жеңишке жетип, турнирдин жеңүүчүсү болду.
Бул жеңиш Кыргызстан курама командасына келерки жылы Түркмөнстан, Тайбэй, Түштүк Африка, Люксембург, Таиланд жана Түндүк Корея курамалары ойной турган үчүнчү дивизиондун А тайпасына кирүүгө мүмкүндүк берди.
Оюндар 17-23-апрель күндөрү Түштүк Африкада өтөт. Өткөн жылы Кыргызстан курамасы төртүнчү дивизиондун командалары арасындагы дуйнө чемпионатын жеңип алган.
Google Play
App Store