Баткен бажысынын контрабандага жана бажы эрежелерин бузууга каршы күрөшүү бөлүмүнүн кызматкерлери ЕАЭБ жана КР бажы мыйзамдарын бузуулардын алдын алуу, бөгөт коюу жана аныктоо боюнча иш-чараларды жүргүзүүдө Баткен шаарында КР жараны «С.У.З.» башкаруусунда «Mercedes-Benz Sprinter 413» үлгүсүндөгү унаа токтотушкан.
Бажылык текшерип кароодо автотранспорттун жүк бөлүгүнөн Өзбекстан Республикасынан чыккан 70 кап минералдык жер семирткич аммиак селитрасы табылган. Кармалган товардын жалпы салмагы 3 500 кг, орточо базар баасы 147 миң сомду түздү. түзгөн. Жүк бажылык тариздөөнү өткөндүгүн тастыктаган эч кандай документтери жок болгон.
Кыргыз Республикасынын жараны «Д.М.Б..» башкаруусунда «Mercedes-Benz Sprinter 413» үлгүсүндөгү унаанын жүк бөлүгүн текшерүү учурунда окшош факт аныкталган. Жалпы салмагы 3500 кг, баасы 147 000 сомду түзгөн аммиак селитрасын контрабандалык жол менен алып өтүү аныкталган.
2 факт боюнча топтолгон материалдар КККБжБЭБ бөлүмүнүн бажылык териштирүү секторунда каралууда.
Google Play
App Store