Токтогул районунун Бала-Чычкан жана Үч-Терек айылдарындагы мектептери быйыл капиталдык оңдоп-түзөөдөн өтөт.
Мындай тапшырманы аталган мектептерден кабар алган учурда парламенттин төрагасы Нурланбек Шакиев Архитектура, курулуш жана турак жай-коммуналдык чарба мамлекеттик агенттигинин өкүлүнө берди.
Жаӊы-Жол айыл аймагындагы Бала-Чычкан айылындагы Айылчы Иманбаев атындагы орто мектеп 1990-жылы курулуп, андан бери эч кандай капиталдык оңдоп-түзөөдөн өткөрүлгөн эмес. Жыл сайын жергиликтүү бюджеттин эсебинен утурумдук актоо-сырдоо иштери гана жүргүзүлүп келет. Билим уясында 46 мугалим эмгектенип, 740тан ашык окуучу билим алат.
Ал эми Үч-Терек айылындагы №29 Муктар Нургазиев атындагы орто мектеп 1987-жылдан бери пайдаланууда. Учурда капиталдык оңдоп-түзөөгө муктаж.
Google Play
App Store