Жогорку Кеңештеги КСДП фракциясы көпчүлүк коалициядан чыкты. Мындай маалыматты фракция лидери Иса Өмүркулов билдирди. Анын айтымында, КСДПнын бүгүнкү жыйынында коалициядан чыгуу чечими кабыл алынган. Фракциядагылар мунун себебин - көпчүлүк коалициядагы фракциялардын саясий көз карашы дал келбегендиги менен түшүндүрдү.
"Кийинки кездеги окуялардан, карама-каршылыктардан улам көпчүлүк коалициядагы фракциялар оппозиция жана позицияга бөлүнүп калды. Андай коалициянын өмүрү кыска болот. Ошондуктан, биз чыгып жатабыз", - деп белгилей кетти Омуркулов.
Google Play
App Store