Жергиликтүү кеңештердин депутаттарын шайлоодо мыйзамдуулукту жана тартипти камсыздоодо милиция кызматкерлери алдын ала түзүлгөн комплекстүү пландын негизинде иш жүргүзүүдө. Ага ылайык, тартип сакчылары мыйзамдуулукту, жарандардын укуктарын жана эркиндиктерин коргоону, шайлоо тилкелерин, жабдууларды кайтарууну жүзөгө ашырууда. Ар бир шайлоо тилкесине милиция кызматкерлери бекитилди. Ошондой эле мыйзам бузуулардын алдын алуу максатында тиешелүү сандагы милиция кызматкерлери тартылат. Муну менен катар жер-жерлерде райондук милиция бөлүмдөрү күчөтүлгөн тартипте кызмат өтөшүүдө.
ИИМ шайлоо мыйзамдарын бузууга байланышкан фактылар аныкталса тиешелүү чара көрүлөрүн эскертет.
Google Play
App Store