Ысык-Көлдө бороондо калган эки жаран куткарылды. Бул тууралуу Өзгөчө кырдаалдар министрлигинен билдиришти.
Маалыматка ылайык, 7-апрелде саат 21:30 чамасында эки жаран Жети-Өгүз районунун Ак-Шыйрак айылынан Барскоон айылына Toyota Land Cruiser унаасы менен кетип, унаа жол бороон болгондуктан байланышка чыкпай, дайынсыз болушкан.
Кечээ, 9-апрелде жерине ӨКМдин Ысык-Көл облустук башкармалыгынан ыкчам топ, унаа жолду тазалоого 1 жүктөгүч жана УКМКнын “Кара-Сай” чек-ара заставасынан 6 аскер кызматкери атайын техника менен тартылган.
Жогорудагы аталган жарандар заставадан 18 чакырым аралыктан аман-эсен табылган. Абалдары жакшы.
Google Play
App Store