Керектөөчүлөр үчүн электр энергиясына тарифтерди өзгөртүүдөн түшкөн кошумча киреше 2,5 млрд сомдон ашык болот.
Бул тууралуу энергетика министри Таалайбек Ибраев Жогорку Кеңештин тармактык комитетинин жыйынында билдирди.
Эскерте кетсек, 2023-жылдын 1-майынан тартып өлкөнүн калкы үчүн электр энергиясынын баасы 23 тыйынга жогорулап, 1 сомду түзөт.
«Электр энергиясын 700 кВт.с жогору пайдаланган учурда тариф мурдагы деңгээлде сакталат, тагыраагы 2 сом 16 тыйындан эсептелет. Ал эми аз камсыз үй-бүлөлөр үчүн тариф мурдагы деңгээлде - 1 кВт.с үчүн 50 тыйындан болот. Буга чейин энергетиктер тарифтерди көтөрүүнүн натыйжасында түшкөн каражаттар абоненттерди электр энергиясы менен үзгүлтүксүз камсыздоо үчүн эскирген жабдууларды жаңылоого жумшаларын билдирип келишкен.
Google Play
App Store