Мамлекеттик жана саясий ишмер Исхак Раззаковдун көзү тирүү болгондо быйыл 106 жашка толмок. 25-октябрь туулган күнүнө байланыштуу аны мекендештери эскерип, бир катар иш-чараларды өткөрүштү. 

Бүгүн Исхак Раззаковдун 106-жылдыгына карата “Исхак Раззаков” атындагы республикалык коомдук фонддун демилгеси менен чакан эскерүү уюштурулду. Алгач Раззаковдун жакындары, жердештери, мамлекеттик кызматкерлердин катышуусу менен Ала -Арча көрүстөнүндө анын өлкөнүн өнүгүшү үчүн өтөгөн эмгеги эскерилип, куран окутулду. Андан кийин башка жерде чакан спорттук мелдештер өткөрүлдү.
Белгилей кетсек коомдук ишмердин баскан жолун даңазалоо максатында 2015-жылы Исхак Раззаков тууралуу тартылган кино тасма жарыкка чыккан. Быйыл Тарых жана маданият жылына карата баардык телеканалдардан берилип, интернет булактарына тараган.
 Эске сала кетсек 2000-жылдын 2-июнунда Раззаковдун сөөгүн Москвадагы Кунцево көрүстөнүнөн мекенине алып келүү демилгесин жердештери көтөрүп, натыйжада Бишкектеги Ала-Арча мамлекеттик көрүстөнүнө каада менен коюлган.