Көпчүлүк коалициянын тараганына байланыштуу президент өкмөттү отставкага кетирүү боюнча жарлыкка кол койду. Жарлыкка ылайык, КСДП, «Кыргызстан», «Өнүгүү-Прогресс», «Ата Мекен» депутаттык фракцияларынын ортосундагы, 2015-жылдын 2-ноябрында макулдашуунун негизинде түзүлгөн фракциялардын коалициясы Жогорку Кеңештеги парламенттик көпчүлүк деген статусун жоготту.
Ошентип көпчүлүк коалициядагы төрт партиянын макулдашуусу менен түзүлгөн Өкмөт дагы отставкага кетти. Эми премьер-министр, биринчи вице-премьер-министр, вице-премьер-министрлер жана Өкмөт мүчөлөрү, ошондой эле административдик ведомстволордун жетекчилери - өкмөттүн жаңы курамы дайындалып бекигенче, мурда ээлеп турган кызматынын милдетин аткаруучу статусунда болот. Жарлык кол коюлган күндөн баштап күчүнө кирет.
Google Play
App Store