Кыргыз Республикасынын Министрлер Кабинетинин тескемеси менен курулуп бүткөн жана курулуп жаткан имараттардын сейсмологиялык жактан туруктуулугун текшерүү боюнча ведомстволор аралык жумушчу комиссия түзүлдү.
Мындай чечим Түркия Республикасынын аймагында болуп өткөн акыркы жер титирөөлөрдү, ошондой эле дүйнөдөгү континенттик плиталардын жылышын эске алуу менен кабыл алынды, анын натыйжасында Кыргыз Республикасынын аймагында айрым процесстер жана кубулуштар активдешип кетиши мүмкүн.
Документке ылайык, ведомстволор аралык комиссияга үч айлык мөөнөттө Кыргыз Республикасынын аймагындагы көп кабаттуу курулуш объектилеринин жер титирөөгө туруктуулугун текшерүү жана анын жыйынтыгы боюнча Кыргыз Республикасынын Министрлер Кабинетине маалымат берүү тапшырылды.
Мындай чечимге Министрлер Кабинетинин Төрагасы Акылбек Жапаров кол койду.
Google Play
App Store