Жалал-Абад облусунун Токтогул шаарында Өнөкөт бөйрөк жетишсиздигинен жабыркагандар үчүн гемодиализ борборунун имаратын куруу боюнча милдеттенмелерди аткарбагандыгы үчүн ЖЧКнын директору кармалды.

2021-жылдын октябрь айында «Жалал-Абад облусунун Кара-Көл шаарынын Токтогул районунун жана Жазыкечүү айылынын атайын эсебинин каражаттарын башкаруу боюнча дирекциясы» мамлекеттик мекеме Токтогул районундагы Жалпы медициналык практика борборунун аймагына жалпы суммасы 15 млн 941 миң 684 сомго гемодиализ борборун курууга тендер жарыялаган, анда тендердин жыйынтыгы боюнча сунушталган 12 млн 907 миң 508 сом менен ЖЧК жеңүүчү деп табылган.

Эсепке 7 миллион 781 миң сом түшүп, 2022-жылы курулуш иштеринин 10%ын гана бүтүрүп, мекеменин директору дайынсыз жоголгон. Учурда кармалган адам УКМКнын убактылуу кармоочу жайына киргизилип, тергөө амалдары жүрүп жатат, анын алкагында «Жалал-Абад облусунун Токтогул районунун жана Кара-Көл шаарынын Жазыкечүү айылынын атайын эсебинин каражаттарын тескөө боюнча дирекциясы» Мамлекеттик мекеменин кызматкерлеринин ишмердүүлүгү текшерилет.