Тышкы иштер министри Жээнбек Кулубаев Европа Биримдигинин делегациясын жетектеген Европа Комиссиясынын Жакынкы Чыгыш жана Азия-Тынч океан региону боюнча эл аралык кызматташтык уюмунун директору Петерис Устубс менен жолугушту.
Жолугушуунун жүрүшүндө кыргыз-европа кызматташтыгынын учурдагы абалы жана өнүгүү келечеги, анын ичинде бийик жана жогорку деңгээлдеги иш сапарларды жана аймактык иш-чараларды уюштуруу пландары талкууланды.
Мындан тышкары, мамлекеттик башкаруу, билим берүү, санариптик трансформация, жашыл экономиканы өнүктүрүү, айлана-чөйрөнү коргоо жана спутник байланышын өнүктүрүү жаатындагы көп жылдык индикативдик программанын алкагында долбоорлорду жана программаларды ишке ашыруу боюнча пикир алмашуу болду.
Google Play
App Store