Бүгүн, 16-июнда Кыргызстандын футбол боюнча улуттук курама командасы CAFA Nations Cup турниринин финалына чыгуу үчүн беттешет.

Штефан Тарковичтин командасы Бишкектеги Дөлөн Өмүрзаков атындагы стадиондо Иран курамасы менен беттешет. Беттеш саат 21:00дө башталат.

“А” тайпасында эки турдун жыйынтыгы боюнча Кыргызстан менен Ирандын курама командаларында 3 упайдан бар.

Биринчи турда кыргызстандыктар Ооганстанды 1:0 эсебинде утуп, бирок ал оюн бүтпөй калган. Ооган курама командасынын машыктыруучусу Эрнист Батыркановдун голунан кийин кошумча убакыттын аягында команданы оюн талаасынан алып чыгып кеткен.

Бир нече күндөн кийин CAFA аткаруу комитети ооган командасын 0:3 эсебинде техникалык жеңилүү ыйгарган.

Экинчи турда Ооганстан курамасы Иранга 1:6 эсебинде утулуп, турнирден четтеди.

Эки турдан кийин Иран менен Кыргызстандын командаларында 3 упайдан бар. Ирандыктар киргизген жана өткөрүп жиберген голдордун ортосундагы эң жакшы айырмадан улам тайпада 1-орунду ээледи.

Турнирдин жобосу боюнча тайпалык турдан кийин 1-орунду ээлеген команда финалга чыгып, анда оюндары Ташкентте (Өзбекстан) өтүп жаткан А тайпасынын жеңүүчүсү менен ойнойт. Тайпада 2-орунду ээлеген команда 3-орун үчүн болгон беттеште, А тайпасында 2-орунду ээлеген команда менен ойнойт.

А тайпасында биринчи орунду Өзбекстан курамасы камсыздады. Ал эми 2-орун үчүн Тажикстан, Түркмөнстан жана Оман курамалары талапкерлик кылат.

Кыргызстан курама командасы финалга чыгуу үчүн жеңиш гана керек. Тең чыгуу же жеңилүү Иран командасын турнирдин финалына чыгарат.