Жалпы республикалык тестирлөөнүн жыйынтыгы менен Кыргызстанда 54 бүтүрүүчү "Алтын сертификатка" ээ болду.
Маалымат Билимди баалоо жана окутуу усулдары борборунун директору Чынара Батракееванын билим берүү министринин орун басары Токтобүбү Ашымбаевага 2023-жылы ЖРТдан эң жогорку упай топтогон окуучулардын тизмесин тапшырып жатканда белгилүү болду.
Ведомстводон билдиришкендей, тизмеге ылайык Бишкек шаарынан – 39, Ош шаарынан жана Ош облусунан – 4, Чүй облусунан – 2, Ысык-Көл облусунан – 2, Нарын облусунан – 2, Баткен облусунан – 2, Талас облусунан – 2, Жалал-Абад облусунан – 1 окуучу "Алтын сертификат" алат.
Быйылкы жылдагы тестирлөөдө эң жогорку балл - 236 упай болгон. Анын биринчи Ош шаарынан Кызжибек Жээнбекова алса, Бишкектен Нурсейит Төрөбаев ээ болгон.
Google Play
App Store