Министрлер кабинетинин төрагасы Акылбек Жапаров Wildberries ишканасынын негиздөөчүсү жана башкы директору Татьяна Бакальчукту кабыл алды. 

Жолугушуунун жүрүшүндө тараптар электрондук коммерцияны өнүктүрүүнүн келечегин жана “Вайлдберриз” базарынын алкагында кызматташуу мүмкүнчүлүгүн талкуулашты. Акылбек Жапаров белгилегендей, министрлер кабинети чакан бизнести өнүктүрүү үчүн бардык күчтү жумшоодо, өзгөчө “ата мекендик продукцияны экспорттоого тиешелүү болсо”.

Анын алкагында Кыргызстандын улуттук почта оператору “Кыргызпочтасы” менен кызматташууну өнүктүрүү маселеси талкууланды. Өз кезегинде Татьяна Бакальчук Кыргызстандагы жеңил өнөр жайынын өнүгүшүнө жогору баа берип, “кыргыз өндүрүшүнүн товарлары Вайлдберризде өзгөчө орунду ээлегендигин” белгиледи. Мындан тышкары, тараптар инвестициялык долбоорлорду талкуулашты, тактап айтканда, компания Чүй облусунун аймагына ири логистикалык борбор курууга кызыкдар экенин билдирди.

Министрлер кабинетинин башчысы “мамлекеттик органдардын жетекчилеринин эшиги инвесторлор үчүн күн сайын ачык” экенин белгилеп, президенттин Чүй облусундагы ыйгарым укуктуу өкүлүнө “логистикалык борборду куруу боюнча бир нече варианттарды сунуштоону” тапшырды.