УКМК тарабынан УКМКнын чек ара кызматынын кызматкерлери менен биргеликте мамлекеттик чек аранын өткөрүү пункттарынан тышкары товарларды мыйзамсыз алып кирүү жана алып чыгуу фактыларын аныктоо жана бөгөт коюу боюунча жүргүзүлгөн ыкчам-издөө иш-чараларынын жүрүшүндө, 4-6-июлда Жалал-Абад облусунун Кербен шаарындагы кыргыз-өзбек чек арасындагы «Мамай» тилкесинде жана Аксы районунун Кош-Дөбө айылында 31 кутуга салынган 15 миң 500 таңгак өлчөмүндөгү тамеки буюмдары түрүндөгү контрафакттык товарды Өзбекстандын аймагына алып өтүүгө аракет кылган Кыргызстандын жарандары кармалды.
Азыркы учурда аталган фактылар боюнча Кылмыш-жаза кодексинин Экономикалык контрабанда жана Милдеттүү акциздик салык салынуучу продукцияларды акциздик маркалары жана идентификациялоо каражаттары жок жүгүртүү беренелеринин негизинде кылмыш иши козголгон. Ыкчам-тергөө иш-чаралары уланууда.
Google Play
App Store