Ысык-Көл облусунда мурда жеке менчикке берилип кеткен 3 бала бакча мамлекетке кайтарылды. Бул тууралуу Башкы прокуратурадан билдиришти.
Маалыматка ылайык, ушул жылдын 1-жарым жылдыгында Ысык-Кѳл облусунун прокуратура органдары тарабынан жеке менчикке мыйзамсыз өтүп кеткен жалпы баасы 35 млн 610 миң сомго бааланган 3 бала бакча жана жалпы аянты 5 764 чарчы метр болгон жер тилкелери менен биргеликте муниципалдык менчикке кайтарылды. Алар Ак-Суу районунун Ак-Булуң айылындагы 26 млн 10 миң сомго бааланган “Балажан” бала бакчасы, Тоӊ районунун Күн-Чыгыш айыл өкмөтүнө караштуу Арчалы айылындагы 2 млн 200 миң сомго бааланган бала бакча, ошондой эле, Тоӊ районунун Бөкөнбаев айылында жайгашкан 7 млн 400 миң сомго бааланган “Киров” атындагы бала бакча мамлекеттин балансына толук алынды.
Google Play
App Store