Ошто жолдун сапатсыз курулушу боюнча жол тейлөө ишканасынын башкы инженери кармалды. Бул тууралуу Башкы прокуратурадан билдиришти.
Ош шаарынын түндүк тарабынан айланып өтүүчү мамлекеттик маанидеги “Айланма Ош” жолунун 12-17-чакырымында асфальт төшөөдө мыйзамдардын сакталышына жана сапатына текшерүү жүргүзүлдү. Текшерүүнүн жүрүшүндө “Кыргызавтожол” ишканасынын №21 жол тейлөө ишканансынын, Жол чарба департаментинин №5 регионалдык бөлүмүнүн жана ЖЧКнын кызмат адамдары тарабынан 2021 жана 2023-жылы аткарылган иштерди кабыл алуу актыларына иш жүзүндө төшөлбөгөн асфальтбетонду жана аны жогорулатылган баада киргизишкендиги жана жол иштери сапатсыз аткарылгандыктан айрым катмарлар деформацияланып кеткендиги аныкталган. Натыйжада мамлекетке жалпы 2 млн 683 миң 786 сом зыян келтирилген. Аталган факты боюнча кылмыш иш козголду.
Google Play
App Store