Улуттук банк жарандарга которулган акчаны чет жактан жөнөтүлгөн валюта менен толук өлчөмдө алууга уруксат берди.
Белгилей кетсек, өткөн жылдын апрелинде эл аралык система менен каражат которуунун эрежелери өзгөртүлгөн. Акчаны кайсы валютада жөнөткөнүнө карабай, Кыргызстандан сом түрүндө же жөнөтүлгөн өлкөнүн валютасы менен гана алууга мүмкүн эле. Мисалы, эгер Казакстандан доллар которсо банктар аны сом же теңге түрүндө гана берип келген.
Ал эми доллар түрүндө АКШдан которулган каражаттарды гана берип жаткан. Июлдун ортосунда Улуттук банк аталган норманы алып салууну сунуштаган, буга валюта рыногунда кырдаал турукташканы жана банктардын накталай доллар запасы жетиштүү болуп калганы негиз болгон.
Жаңы кабыл алынган токтомго ылайык, акча кайсы өлкөдөн кандай валютада которулбасын, Кыргызстандан алып жатканда чектөө болбойт.
Google Play
App Store