Бишкектин Свердлов районунда жер тилкелерин мыйзамсыз басып алуу фактыларын аныктоо жана бөгөт коюу боюнча иштер жүргүзүлүүдө. Райондук акимчиликтин маалымат кызматы билдиргендей, комиссиялык текшерүүлөрдүн жыйынтыгында, «Кызыл куруучу» конушунда 2 фундамент, «Дачная-Керчинский» жана «Кайыңды-Шоро» конуштарына 5 пайдубал орнотулганы аныкталган. «Ак-Тилек» конушунда дубалды көтөрүү стадиясында курулуш токтотулган. «Ак-Тилек-2» жана «Дордой» конуштарында өз алдынча курулган эки турак-жай аныкталды. Свердлов районунун демилгеси менен бүгүнкү күндө уруксат кагаздары жок курулган «Кызыл куруучу» конушунун 2 пайдубалды бузуу иштери жүрүп жатат.
Аткарылып жаткан иштер презденттин 2022-жылдын 8-апрелиндеги №109 «Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо боюнча чаралар жөнүндө» Жарлыгын аткаруунун алкагында жүргүзүлүүдө.
Google Play
App Store