30-августтан тарта ички иштер органдарынын бөлүмдөрү жана Ички иштер министрлигинин Ички аскерлери күчөтүлгөн тартипте кызмат өтөй баштайт.
Ички иштер органдары тарабынан коомдук тартипти сактоо багытында көрүлүп жаткан ыкчам чаралар, жалпы коопсуздук иштери боюнча, анын ичинде 31-август Эгемендүүлүк күнү, 1-сентябрь окуу жылынын башталышы, 10-сентябрь Бишкек шаарынын Ленин районунда Жогорку Кеңештин депутатын шайлоо жана башка маанилүү иш-чаралар учурунда коопсуздукту камсыздоо туурасында онлайн кеңешме өттү. Анда коомдук тартипти жана коопсуздукту сактоо боюнча иш-чаралардын планы бекитилип, тартылган ички иштер органдарынын бөлүмдөрүнүн күчтөрүнүн жана каражаттарынын эсеби түзүлдү. Калкты тез жана сапаттуу тейлөө максатында 28-августта ички иштер органдарынын бардык бөлүмдөрүндө жана бөлүмдөрүндө машыгуулар өткөрүлөт.
Google Play
App Store