Бишкектеги ар бир мектеп директорунун иши иликтенип, баа берилет. Мындай тапшырманы калаа башчысы Эмилбек Абдыкадыров райондук билим берүү борборлорунун жетекчилерине берди. Мэрдин төрагалыгы алдында Бишкектеги жалпы билим берүү уюмдарынын директорлору боюнча жыйын өттү. Анда калаа башчы
борбор калаадагы айрым директорлор мектепти өздөрүнүн үй-бүлөлүк институтуна айландырышканын, алар кеткенден кийин жакындарын таштап кетишкенин белгиледи.
Ошондой эле ата-энелер тарабынан мектеп директорлорунун үстүнөн мыйзамсыз акча чогултуулар боюнча көптөгөн арыздар түшүп жатканын кошумчалады.
Эмилбек Абдыкадыров иштин жүрүшүн көзөмөлгө алып, укук коргоо органдарынан, тактап айтканда УКМКнын шаардык башкармалыктарынан, Ички иштер министрлигинен өз убагында чара көрүү зарылдыгын билдирди.
Google Play
App Store