"Манас" эл аралык аэропорту алгачкы ирет өз каражатына эки учак сатып алганын кабарлады.
Маалыматка ылайык, 14-сентябрда Брюсселде De Haviland Aircraft of Canada өндүрүүчү компания менен келишимге кол коюлган. Dash-8-400 үлгүсүндөгү учактар 2024-жылдын май айында жеткирилет. “Учактарды алуу менен компания социалдык көйгөйлөрдү чечүүнү көздөйт. Алардын ичинен ички каттамдардагы авиабилеттердин жеткиликтүүлүгүнө жана баасына байланыштуу маселелер каралган”, — деп жазылган маалыматта. Бул аракет жарандык авиацияны өнүктүрүүнүн негизги кадамы экени белгиленди.
Google Play
App Store