Өлкөдө октябрь айында аялдар профилактикалык текшерүүлөрдөн өткөрүлөт. Бул тууралуу Саламаттык сактоо министрлиги билдирди. 

Маалыматка ылайык, "Кыргызстандагы жугуштуу эмес ооруларды эффективдүү башкаруу жана алдын алуу" долбоорунун колдоосу менен жыл сайын өтүүчү "Айымдардын ден соолугу!" бир айлыгы жарыяланды.

"Аялдар үй-бүлөдө жана коомдо маанилүү ролду аткарат. Демек, аялдардын ден соолугуна артыкчылык берүү бир адамдын бакубатчылыгына гана эмес, жалпы коомдун жакшыруусуна өбөлгө болот. Бир айлык акция аялдардын жугуштуу эмес ооруларын алдын алууга жана дартты эрте аныктоого багытталган. Мисалы, алкоголдук ичимдиктер, тамеки чегүү, туура эмес тамактануу, кыймылсыз жашоо образын алдын алуу жана тобокелчиликтери жөнүндө маалымат берүү, баштапкы деңгээлдеги медициналык кызматтарды көрсөтүү акциянын негизги элементтери болуп саналат", — деп жазылат маалыматта. Үй-бүлөлүк медицина борборлору, үй-бүлөлүк дарыгерлер тобу жана ФАПтар алдын ала кезекке жазбастан акысыз текшерүүдөн өткөрүп, кеңеш беришет.

Флаги блока: