Ош шаарында кытайлык адистер катаракта менен ооруган 300дөн ашык бейтаптын көзүнө ийгиликтүү операция жасады. Бул тууралуу Саламаттык сактоо министрлиги билдирди. "Экспресс ден соолук — жаркын саякат" долбоору менен келген дарыгерлер 18-29-сентябрь күндөрү Ош, Жалал-Абад жана Баткен облустарынын тургундарын тейлеген.
Анын алкагында 338 бейтапка катаракта боюнча бекер операция жасалып, 100гө жакын адам текшерүүдөн өтүп, кеп-кеңештерди алышкан. Аталган долбоордун алкагында буга чейин Бишкекте дагы 300 адамдын көзүнө акысыз операция жасалган.
Google Play
App Store