Бишкекте этникалар аралык мамилелерге жана "Кыргыз жараны" концепциясын жүзөгө ашырууга арналган "Бирдиктүү эл - күчтүү өлкө" аталышындагы форум өтүүдө. 

Форумга мамлекеттик катчы Сүйүнбек Касмамбетов, министрлер кабинетинин төрагасынын орун басары Эдил Байсалов, министрлер кабинетинин, этникалык азчылыктардын, көптөгөн коомдук бирикмелердин өкүлдөрү жана диаспоралардын мүчөлөрү катышууда. Эскерте кетсек, Кыргыз жараны - улутуна, диний, социалдык жана аймактык таандыктыгына карабастан, КР Конституциясына ылайык укуктарга жана милдеттерге ээ болгон Кыргыз Республикасынын жараны. "Кыргыз жараны" түшүнүгү өлкөнүн - Кыргыз Республикасынын аталышынан келип чыккан жана бардык этностук жамааттарды этномаданий өзгөчөлүгүн сактоо менен бириктирген жалпы жарандык иденттүүлүк болуп саналат. Концепция беш артыкчылыктуу багытаттан турат:

- Жарандык иденттүүлүк жөнүндө аң-сезимдүү түшүнүктү калыптандыруу

- Кыргызстандын элинин биримдигин бекемдөө, толеранттуулуктуу арттыруу жана көп түрдүүлүктүн баалуулугун сактоо;

- мамлекеттик тилди өнүктүрүү жана алдыга жылдыруу, ошондой эле көп тилдүүлүктү сактоо жана өнүктүрүү;

- башкаруу жана чечимдерди кабыл алуу процесстерине жетүүдө бирдей шарттарды түзүү;

- саясий институттарга жана мамлекеттик органдарга ишенимди жогорулатуу