Белгилүү саясий жана коомдук ишмер, профессор Топчубек Тургуналиев 82 жаш курагында дүйнө салды. Маалыматка ылайык, ал көптөн бери ооруп жүргөн. Маркумду акыркы сапарга узатуу зыйнаты 17-ноябрда Аксы районунда өтөт.
Тургуналиев Топчубек Тургуналиевич 1941-жылы 5-июлда Жалал-Абад облусуна караштуу Аксы районундагы Тегирмен-Сай айлында туулган. Маалыматтарга караганда, ал акыркы күндөрү ооруп жүргөн. Ал Ишеналы Арабаев атындагы кыргыз мамлекеттик университетинде окутуучу, Абдылас Малдыбаев атындагы опера жана балет театрында директор болуп иштеген.
1990-жылы “Кыргызстан” демократиялык кыймылынын уюштуруучуларынын бири, тең төрагасы болгон. “Эркиндик” партиясын түптөп, аны көп жылдар жетектеген. 2010-жылдагы Апрель ыңкылабынан соң Убактылуу өкмөттүн мүчөсү жана Токой чарба боюнча агенттиктин төрагасы болгон.
2019-жылы “Манас” жана Чыңгыз Айтматов Улуттук академиясына төрага болуп дайындалган. Бул кызматтан 2021-жылы кеткен.
Google Play
App Store