Президент Садыр Жапаров Россияда Көз карандысыз Мамлекеттер Шериктештигине кирген өлкөлөрдүн лидерлеринин бейформал жолугушуусуна катышты. Алгач мамлекет башчылары "Павловск" музейинде, ал коруктун белгилүү сарай-сейил бак комплекстерин кыдыруу менен башталды, лидерлер "Царское Село" жана Петергофто болушту. 

Тааныштыруучу экскурсияга Россиянын Президенти Владимир Путин, Азербайжандын Президенти Ильхам Алиев, Беларустун Президенти Александр Лукашенко, Казакстандын Президенти Касым-Жомарт Токаев, Кыргызстандын Президенти Садыр Жапаров, Тажикстандын Президенти Эмомали Рахмон, Түркмөнстандын Президенти Сердар Бердымухамедов, Өзбекстандын Президенти Шавкат Мирзиёев жана Армениянын Премьер-министри Никол Пашинян катышты. 

Андан кийин КМШ өлкөлөрүнүн лидерлери Константинов сарайына бет алышты. Россиянын Президенти Владимир Путин куттуктоо сөзүн айтып, Мамлекет башчылары чакырууну кабыл алып, Санкт-Петербургга жаңы жыл алдындагы салттуу бейформал жолугушууга келишкени үчүн ыраазычылык билдирди. Президент Садыр Жапаровдун 24-26-декабрда Санкт-Петербург шаарына болгон иш сапары аяктады.