Өзбекстан гуманитардык жардам катары жиберген суюлтулган газ баллондору Бишкекке алып келинет. "Кыргызстан улуттук электр тармагы" ишканасынын Жалал-Абаддагы филиалы билдиргендей, кечээ, 3-февралда келген газ баллондору Жалал-Абад электр тармактары ишканасынын кампасында турат.
Жакынкы убакытта борборго жиберилет. Айта кетсек, 3-февралда Бишкек Жылуулук электр борборундагы кырдаалга байланыштуу Өзбекстан Кыргызстанга суюлтулган газ баллондорун жөнөткөн. 9 ИСУЗУ жүк ташуучу унаасы менен 1 миң газ баллон «Бек-Абад» автожол посту аркылуу Жалал-Абад шаарына алып келинген. Жүктү «Кыргызстан улуттук электр тармагы» ААКтын филиалы Жалал-Абад электр тармактар ишканасынын директорунун капиталдык курулуш иштери боюнча орун басары Дамир Токтогулов кабыл алган.
Google Play
App Store