Бишкектин Биринчи май райондук соту "Ихсан" турак жай кооперативинин башында тургандарга өкүм чыгарды. Ага ылайык, жетекчиси Акинай Бекмурзаева 12 жылга эркинен ажыратылып, мүлкү конфискацияланды.
Дагы бир жооптуу кызматкери Эрмат Абылкасымов 11 жылга кесилип, сот залынан камакка алынды. Анын да мүлкү конфискацияланды. Кылмыш ишин Ички иштер министрлиги иликтеп, өткөн жылдын мартында сотко өткөрүп берген. Тергөөнүн версиясы боюнча, "Ихсандан" 700дөн ашык адам жабыр тарткан, материалдык чыгым 701 миллион сомду түзөт.
Google Play
App Store