Европанын эң алдыңкы багыттарынын бири катары саналган  Стамбул, өз алдынча саякаттаган зыяратчылар үчүн кеңири иш-чараларды жана  тажрыйбаларды сунуштайт. Шаардын чексиз көп түрдүүлүгү жана жагымдуу  атмосферасынын аркасында жалгыз саякатчылар Стамбулду тандай алышат. Маселен:  2024-жылы дүйнөгө таанымал туристтик басылмалар тарабынан сунушталган Стамбул  шаары жагымдуу, жандуу жана өзгөчө көчөлөрү, люкс мейманканалары, Мишелин  жылдыздуу ресторандары жана жогорку деңгээлдеги соода жолдору саякатчылардын  назарын өзүнө бурат жана зыяратчылар бул шаарда мыкты эс алып кете алышат.

Эки континент бир шаар

Эгерде сиздин эки континентте курулган дүйнөдөгү жалгыз шаар Стамбулга биринчи сапарыңыз болсо, саякаттоону тарыхый жарым аралдан баштаңыз. Аймакта көптөгөн эстеликтер, анын ичинде улуу Аясофия (Аясофья) жана Базилика цистернасы (Yerebatan Sarnıcı), ошондой эле Топкапы сарайы (Топкапы Сарайы), Көк мечит (Султанахмет Camii) бар. Топкапы сарай комплексинин бакчасында жайгашкан Стамбул Археология музейи (İstanbul Arkeoloji Müzesi) Түркиянын археологиялык мурастарына кызыккандардын сөзсүз көрүшү керек болгон жери. Албетте, Стамбулга болгон саякатты кылымдардан бери келе жаткан Чоң базарга (Капалычаршы) барбай коюу менен элестетүү кыйын. Андыктан, Эминөнүдөгү татымал базары (Мысыр Чаршысы) зыяратчыларга тарыхый шартта уникалдуу соода тажрыйбасын сунуштайт. Базардан ар кандай жыпар жыттуу заттарды, чөп чайларды, кургатылган мөмө-жемиштерди жана башка деликатестерди тандап сатып алууга болот. Базардан керектүү азыктарыңызды сатып алгандан кийин, сиз жакын жердеги паром терминалында кайыкка отуруп, Босфор кысыгына аттансаңыз болот, ал жерден сизди легендарлуу Кыз мунарасы (Кыз Кулеси), Босфордун боюндагы көптөгөн кооз жерлер күтүп турат.

Шаардын уникалдуу тажрыйбасы

Музейлери, заманбап круиздик порту менен белгилүү болгон Галатапорт жайгашкан Каракөйгө кондуңуз дейли. Бул жерден эң эле алгач, Стамбул заманбап искусство музейин (Istanbul Modern Sanat Müzesi) зыярат кылсаңыз болот. Жылдыз архитектор Рензо Пиано тарабынан долбоорлонгон Стамбул Модерн Түркиянын биринчи заманбап жана искусство музейи болуп саналат. Музейдеги коллекцияны изилдеп чыккандан кийин Түркиянын биринчи жана эң кеңири пластикалык искусство музейи болгон Стамбул Сүрөт жана Айкел музейине (Истанбул Resim ve Heykel Müzesi) бара аласыз. Каракөйдөн чыгып, стилдүү дизайн бутиктери менен белгилүү Галата районун зыярат кылып, Галата мунарасына (Галата Кулеси) көтөрүлө аласыз. Мунарадан Стамбулдун панорамалык көрүнүшүн көргөндөн кийин, шаардын эң белгилүү көчөсү болгон Истклалга барыңыз. Истиклалда сиз кызыл трамвайга түшө аласыз же тарыхый мейманканалар, чиркөөлөр жана башка жарашыктуу имараттар менен капталган көчөдө сейилдеп, атактуу кафелердин биринде түрк кофесин ичсеңиз болот. Мындан тышкары, Каракөй, Султанахмет, Чагалоглу, Бейоглу жана Бешикташтагы салттуу түрк мончолору (хамам) эс алуу жана эстен кеткис тажрыйбадан ырахат алуу үчүн эң сонун жер болуп саналат.

Жалгыз саякатыңыздагы укмуштуу окуялар

Стамбул өзүнүн жандуу жана меймандос тамак-аш сахнасы менен идеалдуу болуп, жалгыз саякаттоого ыңгайлуу жер. Шаарды кыдырып жүрүп, шаардын тамак-аш жана суусундук маданияты күнүмдүк жашоого кандайча түрткү берерин байкай аласыз. Стамбул көчө тамактарынан тартып салттуу таверналарга жана Мишелин жылдыздуу ресторандарга чейин түрдүү кулинардык тажрыйбаларды камтыйт. Шаардын ашпозчулары башкарган көптөгөн кооз тамактануучу жайларда эл аралык тамактар менен Анадолунун миң жылдык рецепттеринин классикалык жана инновациялык жоромолдоруна күбө болосуз.

Босфордун Европа тарабында Куручешме, Арнавуткөй, Бебек жана Сарыер линияларындагы өзгөчө балык ресторандарынан тамактанып, деңиз азыктары менен аймактык закускалардан ырахат алсаңыз болот.

Сиз шаардын кадимки көчө тамактарынан даам татып көргүңүз келди дейли. Андай болсо, Таксим менен Бешикташта, Европа тарабында жана Анадолу тарабындагы Кадыкөй базарында кокореч, дөнер жана бышырылган картошкадан (кумпирден) куурулган же толтурулган мидияга чейин ар тараптуу даамдарды таба аласыз.

Жыйынтыктап айтканда, Стамбулга саякатыңызды пландап, бул укмуштуудай шаар сунуш кылган байлыктарды изилдеп, өзүңүздүн саякат тарыхыңызды түзө аласыз.