Бишкек шаарынын мэр Айбек Жунушалиев "Бишкекасфальтсервис" муниципалдык ишканасы тарабынан жолдогу кемчиликтерди жоюу иштеринин жүрүшүн текшерди.
Муниципалитеттин басма сөз кызматынан билдиришкендей, калаа башчысы жолдогу кемчиликтерди тез арада жоюуну тапшырды.
Ишканага асфальт төшөлгөн төшөлмөнүн сапатын көзөмөлдөө милдети жүктөлгөн. Болбосо жол оңдоого жооптууларга катуу чара көрүлөт.
Мындан тышкары, Айбек Жунушалиев Бакаев көчөсүн Лев Толстой көчөсүнөн Бөкөнбаев көчөсүнө чейин куруу иштеринин жүрүшү менен таанышты.
Эскерте кетсек, жогоруда аталган көчөдө жумуштарды бүткөрүү 2024-жылдын 3-кварталына белгиленген.
Google Play
App Store