Бүгүн, 15-июль күнү селдин кесепетинен дайынсыз болгон 4 жаранды издөөгө 350 адам тартылды. Бул тууралуу Өзгөчө кырдаалдар министрлиги билдирди.
Кечээ, 14-июлда саат 22:40та 2018-жылы туулган Н.С аттуу кыздын сөөгү Өзбекстандын Андижан шаарынын Шахронсой сайынан табылган.
Бүгүн издөө-куткаруу иштери 4 топко бөлүнүү менен башталып, Ош шаарынын Төлөйкөн айылындагы Мөл-Булак эс алуу жайында, Ак-Буура каналынын түштүк-чыгыш тарабы (студенттер шаарчасы) , Ак-Буура каналынын жээгиндеги Токтогул сейил багы, Ош шаарынын борбордук базары тарабында уланууда.
Издөө ишине тартылгандардын 170и ӨКМнын куткаруучулары. Арасында 2 кинолог, суучул-куткаруучулар бар. Ал эми жарандык коргонуу кызматтарынан 180 адам көмөктөшүүдө.
Белгилей кетсек, жалпы 5 адамды суу агызгандыгы тууралуу маалымат түшкөн.
Google Play
App Store