Бүгүн, 31-июлда Олимпиадада дзюдочу Эрлан Шеров 1/16 финалда кубалык Иван Фелипе Силва Моралес менен беттешет.
Кубанын 27 жаштагы спортчусу дүйнөлүк рейтингде 10-орунда турат жана быйыл март айында Австрияда Гран-прини жеңген.
Панамериканын 5 жолку чемпиону жана Чоң шлем мелдешинде коло медалга ээ болгон.
Моралес Олимпиада оюндарына 3-ирет катышууда. Рио-де-Жайнеродо жана Токиодо өткөн Олимп оюндарында биринчи айлампада эле утулган.
Спорттук карьерасында 2 жолу кыргызстандык спортчулар менен беттешкен. 2015-жылы Минскте кыргыз дзюдочусу Владимир Золоевди жеңип алган. Ал эми 2023-жылы Мастерс турниринде Эрлан Шеровго жеңилген.
Google Play
App Store