Кыргызстандык мушкер Мунарбек Сейитбек уулу Олимпиада оюндарында чейрек финалда жеңишке жеткендеги эмоциялары менен бөлүштү.
Ал 4-августка караган түнү 57 килограммга чейинки салмак ченинде АКШнын спортчусу дүйнө чемпиону Жамал Харвини жеңип, жарым финалга чыккан.
Төмөндө спортчу менен болгон кыскача маек.
- Кандай эмоцияларга кабылдыңыз?
- Жарым финалга чыктык, бирок ушуну менен токтоп калбоо үчүн болгон аракетибизди жумшап жатабыз. Жарым финалда, финалда жеңишке жетип, Кыргызстанга алтын медаль алып келгенге аракет кылам.
-Беттешке даярдык кандай болду?
- Даярдык жакшы болду. Баары машыктыруучулар айткандай болуп чыкты. Маанай жакшы.
- Атаандашыңыз тууралуу кеп болсун...
- Атаандашым жакшы оюн көргөздү. Кантсе да ал Дүйнө чемпиону эмеспи. Ал дагы абдан аракет кылды, бирок жеңиш биз тарапта болду. Колдооңуздарга рахмат!
Google Play
App Store