Бүгүн, 8-августта Париж Олимпиада оюндарында Амантур Исмаилов коло медаль үчүн күрөшүүгө мүмкүнчүлүк бере турган көңүл жубатуучу беттешке чыгат.
Ал грек-рим күрөшү боюнча 67 килограмм салмак категориясында сербиялык Мате Немеш менен беттешет.
Бул беттеште кыргыз балбаны Амантур Исмаилов жеңишти камсыздаса, ага коло медаль үчүн күрөшүүгө жол ачылат.
Кыргызстандык балбан беттештерин 1/8 финалдан баштап, Грузиянын спортчусу Рамаз Зоидзени мөөнөтүнөн мурда 12:1 эсебинде жеңип алган. Чейрек финалда Исмаилов украиналык Парвиз Насибов менен килемде жолугуп, 7:6 упай менен жеңишти колдон чыгарып жиберген.
Украиналык спортчу финалга чыгып, Исмаиловго коло медаль үчүн күрөштү улантууга мүмкүнчүлүк берилген.
Google Play
App Store