Паспортту акысыз алмаштыруу боюнча акция 15 күндөн соң аяктайт. Бул тууралуу Санариптик өнүктүрүү министрлиги билдирди. Учурда бардык жарандар өздөрүнүн эски үлгүдөгү паспортторун жаңы ID-карталарына акысыз алмаштыра алышат.
Маалыматка ылайык, 2024-жылдын 1-июлунда башталган акция 31-августка чейин созулат.
“Паспортту алмаштыруу себептерине карабастан, аты-жөнүн өзгөртүү, жоготуу, же бузуу болобу, бардык жарандар үчүн ыктыярдуу негизде жүргүзүлөт. 2004-жылы берилген AN сериядагы, сары түстөгү ID-карталар гана алмаштырылат. 2017-жылы берилген паспортторду алмаштыруунун кажети жок”,-деп жазылган маалыматта.
Жаңы ID-карталар биометрикалык маалыматтарды жана актуалдуу жеке маалыматтарды камтыйт, бул алардын корголушун жана пайдалануунун ыңгайлуулугун жогорулатат. Карталарды алмашуу базадагы маалыматтарды актуалдаштырууга, шайлоо жол-жоболорун оптималдаштырууга жана мамлекеттик кызматтарды көрсөтүүнү жакшыртууга мүмкүндүк берет.
Google Play
App Store