“Микро, чакан жана орто ишканаларды шашылыш колдоо” долбоорунун алкагында 10 миң 425 ишкерге пайызсыз кредит берилди. Бул тууралуу Финансы министрлигинин басма сөз кызматы билдирди.
Маалыматка ылайык, берилген насыялардын жалпы суммасы 7 млрд 412 млн 87 миң 917 сомду түзгөн.
1-категория боюнча (1 млн сомго чейин) 8 миң 984 ишкерге 5 млрд 207 млн 233 миң 916 сом берилген.
2-категория боюнча (3 млн сомго чейин) 1 441 ишкер насыя алган. Жалпы сумма 2 млрд 204 млн 854 миң сомду түзгөн.
Долбоор 2027-жылдын июлуна чейин ишке ашырылат.
Google Play
App Store