Кыргызстанда Эгемендүүлүк күнүндө коомдук коопсуздукту камсыздоого 15 миңден ашык милиция кызматкери тартылат. Ички иштер министрлигинен билдиришкендей, 31-августта өлкөдө эгемендүүлүктүн 33 жылдыгына жана Кара-Кыргыз автономиялуу облусунун түзүлгөндүгүнүн 100 жылдык мааракесине арналган майрамдык иш-чаралар өткөрүлөт.
Ушуга байланыштуу, бүгүнтөн тарта "Укук тартип" аталышындагы комплекстүү алдын алуу ыкчам иш-чарасы уюштурулат. Бул иш-чаранын алкагында “Арсенал”, “Нелегал”, “Селсаяк” аталышындагы алдын алуу рейддери өтөт. Ал 28-августка чейин созулат. Бишкек шаарында өтө турган майрамдык иш-чараларга ИИМдин 5 миңден ашык кызматкери тартылат. Буга байланыштуу, Ички иштер министрлиги Бишкек шаарынын тургундары жана коноктору коомдук тартипти жана жол кыймылынын коопсуздугун камсыздоого багытталган чараларды туура түшүнүп, кабыл алышса деп өтүнүүдө.
Google Play
App Store