Кыргызстанга гана эмес, дүйнөгө таанымал, белгилүү жазуучу Чыңгыз Айтматовдун бир тууган иниси, окумуштуу Илгиз Айтматов бүгүн таңда дүйнө салды.
Ал тоо-кен геомеханикасы боюнча илимпоз, техника илимдеринин доктору, илим жана техника боюнча СССРдин жана Кыргыз ССРинин мамлекеттик сыйлыгынын лауреаты болгон. Окумуштуу 93 жашта эле. Илгиз Айтматов - 1990-93-жылдары Илимдер улуттук академиясына президент болгон. Анын илимий эмгектери негизинен кендерди коопсуз жана натыйжалуу иштетүү, чоң гидротехникалык курулуштарды куруу, айлана-чөйрөнү коргоо, тоолуу аймактардагы табигый жана техногендик кыйроолорго арналган.
Ал 260тан ашык илимий эмгектин, 15 ойлоп табуунун автору. Тоолуу аймактарда чыңалуунун калдыгынын секирик түрүндө бошонуусу жөнүндө илимий ачылыш жасаган. 2003-жылы III даражадагы “Манас” ордени менен сыйланган.
Google Play
App Store